Հոդված

Google որոնման դաշտում պարզապես հավաքեք http բառը՝ գտնելու ամենաբարձր PageRank-ն ունեցող վերին 1000 կայքերը։ Նմանատիպ արդյունք կստանաք՝ այս անգամ փորձելով www բառը։ Գոյություն ունեն նաեւ Google-ում նպատակասլաց որոնում իրականացնելու այլ օգտակար հմտություններ։

Ստորեւ ներկայացվում են մի շարք Google-արտահայտություններ, որոնք Ձեզ հնարավորություն կտան օգտակար տեղեկություններ ստանալ Ձեր եւ այլոց կայքերի վերաբերյալ։ Նկատի ունեցեք, որ url-ի փոխարեն դուք պետք է մուտքագրեք այն կայքի URL-ը, որի մասին ցանկանում եք տեղեկություն ստանալ։

• link:url - Ցույց է տալիս Ձեր կայքին չպատկանող այն էջերը, որոնցում հղումներ կան դեպի Ձեր կայքը։
• related:url - Ցույց է տալիս Ձեր կայքին չպատկանող այն էջերը, որոնք որեւէ կապ ունեն Ձեր կայքի հետ։
• site:"դոմեյն” - Որոնման արդյուքները սահմանափակում է միայն տվյալ դոմեյնի համար։
• allinurl:"որեւէ բառ” - Ցույց է տալիս այն էջերը, որոնց ՄԻԱՅՆ URL-ներում է առկա որոնելի բառը։
• inurl:"որեւէ բառ” - Նման է նախորդին, կիրառվում է հերթական բառը որոնելիս։ Օրինակ. “inurl:f5 blog” կգտնի միայն այն էջերը, որոնց URL-ներում առկա է “f5"-ը եւ դրանցից կներկայացնեի միայն այն էջերը, որոնց URL-ներում “f5” բառից բացի առկա է նաեւ “blog” բառը։
• allintitle:"որեւէ բառ” - Ցույց է տալիս այն էջերը, որոնց ՄԻԱՅՆ վերնագրերում է առկա որոնելի բառը։
• intitle:"որեւէ բառ” - Նման է նախորդին, կիրառվում է հերթական բառը որոնելիս։ Օրինակ. “intitle:blog armenia” կգտնի միայն այն էջերը, որոնց վերնագրերում առկա է “blog"-ը եւ դրանցից կներկայացնեի միայն այն էջերը, որոնց վերնագրերում “blog” բառից բացի առկա է նաեւ “armenia” բառը։
• cache:url - Ցույց է տալիս Google-ում ինդեքսավորված էջերն այնպիսին, ինչպիսին դրանք ամենավերջին անգամ ընդունվել եւ քեշավորվել են Google-ի կողմից։
• info:url - Ներկայացվում է տվյալ կայքին առնչվող որոշ տեղեկություններ՝ ինդեքսավորված էջերը, հետադարձ հղումները եւ այլն։
• spell:"որեւէ բառ” - Ստուգվում է մուտքագրված բառի ճշտությունը։
• stocks:"որեւէ բառ”- Ստուգվում է մուտքագրված բառի առկայությունը ինդեքսավորված ապրանքների ցանկում։
• filetype: - Սահմանափակում է որոնման արդյունքների ցուցադրումը նշված ֆայլի տեսակների մեջ: Օրինակ, եթե Google-ի որոնման դաշտում մուտքագրեքն “antidrug.health.am-filetype:pdf”, ապա որոնման արդյունքներից կբացառվեն այն հղումները, որոնք վերաբերվում են pdf տեսակի ֆայլերին։
• daterange:”ժամականակային ֆորման” - Գործում է միայն Հուլիան ժամանակատեսակի համար: Օրինակ՝ 2452384։
• maps:"որեւէ հասցե” - Օգտակար է մուտքագրված հասցեի տեղադրությունը որոշելիս։
• phone:"որեւէ հեռախոսահամար”- Օգտակար է ըստ մուտքագրված հեռախոսահամարի տվյալ անձի անունը եւ հասցեն հայտնաբերելու համար։
• site:www.somesite.net կամ “+www.somesite.+net”- Ներկայացնում է Google-ի կողմից ինդեքսավորված էջերը։
• allintext: - Որոնումն իրականացվում է միայն էջի պարունակության սահմաններում՝ բացառելով վերնագրերը կամ տվյալ էջում առկա հղումները։
• allinlinks:- Որոնումն իրականացվում է միայն էջում առկա հղումների սահմաններում՝ բացառելով վերնագրերը կամ էջի բովանդակային պարունակությունը։